Cláudio Rumal / Emilio TAVARES Lima / Mwalimu & Mussá Baldé
Librería Samer Atenea
Librería Aciertas (Toledo)
Kálamo Books
Librería Perelló (Valencia)
Librería Elías (Asturias)
Donde los libros
Librería Kolima (Madrid)
Librería Proteo (Málaga)
'... Un povu ká pudi guvernadu lundju di si kultura, tradison, lingua, ritual ku si kustimi. Tia Delfina tá riprizenta, suma kuma ke Cheikh Anta Diop tá falá, 'kontinuidadi di nô konxiensia stôriku suma povu'. Figura di tia Delfina i un ominajen a tudu nô mamês, firkidjas di tera, sobri sé papel na firmanta Guiné suma un tera di 'omis ku mindjeris nobu', omis ku mindjeris ke na bin sirbi Guiné, Afrika ku mundu.' - Notas di Kumsada - Mwalimu Baldé'... Su fala mindjer djusta i pabia u ka ianda Guiné, i pabia u cata bai purtu di canua, i pabia u cata mandurga na paragens, i pabia nunca u bai Lumu di Olossatu.Mindjeris tem, ma mindjeris diferentes. I tem mindjer ossanti, ku cata medi corda onça padida, ma i tem manga di mindjer balenti ku cata mpina nin dianti Rei di Oinkas! Tia Delfina i um di mindjeris balentis. El ki sé rainha.' - Palabras di Kabantada - Mussá Baldé Ê livru, 'Tia Delfina di Mindara', i spidju di susiedadi guinensi. Emílio pega kalma di baloba i kunsa botanu sorti atrabes di persunajen di Tia Delfina. Na fundu, si nô pega na imajen di Tia Delfina, kazu nô misti asosial ku nô guinendadi, nô na odja kuma Tia Delfina tá riprizenta, suma kuma ke Cheikh Anta Diop tá falá, 'kontinuidadi di nô konxiensia stôriku suma povu'. Figura di tia Delfina i un ominajen a tudu nô mamês, firkidjas di tera, sobri sé papel na firmanta Guiné suma un tera di 'omis ku mindjeris nobu', omis ku mindjeris ke na bin sirbi Guiné, Afrika ku mundu. Skritor fasi kaneta ku papel, ô mindjor, tekladu ku kumputadur, suma feramenta ku sirujion tá uza pá opera pekadur. Nê livru, 'Tia Delfina di Mindara', sirujion, djidiu di kaneta, konsigui atrabes di si mimoria individual, frutu di mimoria di si pubis, mostranu balur di mindjerndadi. Alias, balur di mamendadi.
