Librería Samer Atenea
Librería Aciertas (Toledo)
Kálamo Books
Librería Perelló (Valencia)
Librería Elías (Asturias)
Donde los libros
Librería Kolima (Madrid)
Librería Proteo (Málaga)
මෙම කෘතිය මඟින් ශ්රී ලංකාවට සංක්රමණය වූ දකුණු ඉන්දියානු ජන කණ්ඩායම් පිළිබඳ ව නව සහ මත භේදයට තුඩු දිය හැකි විග්රහයක් ඉදිරිපත් කෙරේ. ඒවා සාම්ප්රදායික ඓතිහාසික වාර්තාවලට පටහැනි බව ද කිව යුතු ය.මෙම ග්රන්ථයේ කේන්ද්රීය තේමාව වන්නේ දහසයවනසියවසේ මුණ්ඩුකොණ්ඩපොළ ප්රාදේශීය රාජධානි සමයේ, ශ්රී ලංකාවේ සත් කෝරළයට (කුරුණෑගල දිස්ත්රික්කයට) සංක්රමණය වූ දකුණු ඉන්දීය ප්රභූ බ්රාහ්මණ කණ්ඩායම් හතක් පිළිබඳව විමර්ශනය කිරීම ය. මධ්යකාලීන යුගයේ සිට වර්තමානය දක්වා මෙම බ්රාහ්මණ කණ්ඩායම්වල අනුවර්තනය ඔවුන් පදිංචි වූ සත් කෝරළේ කම්ඹුවටවන ගම්මානය සහ අනෙකුත් සියලුම බ්රාහ්මණ ගම්මාන ඇසුරෙන් අනාවරණය කෙරේ.මෙම විග්රහය සඳහා ජනවිද්යාත්මක සාක්ෂ්ය ලබා ගෙන ඇත්තේ ඓතිහාසික පුස්කොළ පොත්, සමාජ විද්යාත්මක වාර්තා සහ මෑත කාලීන පෙළපත් වාර්තා මගිනි. මෙම දකුණු ඉන්දියානු බ්රාහ්මී සංක්රමණිකයෝ හින්දු භක්තිකයන් වූ අතර ඔවුහු ද්රවිඩ භාෂා කථා කරන්නෝ ද වූහ. ඔවුහු අවසානයේ දී සත් කෝරළේ සහ කන්ද උඩරට ප්රදේශවල සිංහල බෞද්ධ සමාජයට ප්රබල ලෙස අන්තර්ග්රහණය වූ හ. සියවස් කිහිපයකට අනතුරු ව ඔවුන්ගේ දකුණු ඉන්දියානු ද්රවිඩ සහ හින්දු සමාරම්භය පිළිබඳ හෝඩුවා මෙම බ්රාහ්මී සංක්රමණිකයන් ඇතුළු සියලුම සංක්රමණික කණ්ඩායම්වල වර්තමානයේ පැවත එන්නන්ගේ මතකයෙන් සම්පූර්ණයෙන් තුරන් වී ඇත. මෙම අනුවර්තන සංසිද්ධිය වර්තමාන ශ්රී ලාංකේය ජන වාර්ගික සහ ආගමික විඥානය පිළිබඳ නව අවබෝධයක් ලබා ගැනීමට අවශ්ය මාවතක් හෙළිදරවු කරනු ඇතැයි විශ්වාස කෙරේ.
