Librería Samer Atenea
Kálamo Books
Librería Elías (Asturias)
Librería Kolima (Madrid)
Librería Proteo (Málaga)
Da 150-hodździa Ciotki vychodzić zbor mastackich tvoraŭ aŭtarki. Čarhovy tomik u 'Vilenskaj seryi' vydadzieny łacinkaj. - Na pačatku XX stahodździa Ciotka była adnoj z tych, chto aktyŭna dałučyŭsia da tradycyi vykarystańnia łacinki ŭ biełaruskim druku. Jejnyja pieršyja zborniki paezii byli nadrukavanyja łacinkaj.U vydańnie ŭvajšli paetyčnyja i prazaičnyja tvory piaśniarki, napisanyja dla darosłaha čytactva. Jano viartaje aryhinalnaje abličča šerahu tekstaŭ, jakija na praciahu stahodździa stanavilisia ŭsio mienš paznavalnymi ad pravapisnaha i idealahičnaha redahavańnia.Zbornik taksama robić akcent na feminisckich pierakanańniach Ciotki, čamu pryśviečanaja pradmova ŭkładalnika zbornika Ŭładzisłava Harbackaha.„Možna śmieła skazać, što ź imiem Ciotki źviazany naahuł začatki biełaruskaha žanockaha ruchu. [...] Pieršy žanocki hurtok u Vilni - heta jaje rabota (1905-6 h.h.). Ale mo jašče bolš, čym asabistaj ahitacyjaj i žyvym słovam, Ciotka budzić biełaruskuju žančynu svaimi paetyckimi tvorami, jakija svajoj ščyraściaj i hłybinioj pačućcia chapajuć prosta za serca'. - Anton Łuckievič, 1924„Alojza Paškievič - Ciotka-Biełaruska (biełaruska z-pad Miensku). Vielmi cikavaja dziaŭčyna: viasiołaja, artystyčnaja, deklamatarka, aktyŭnaja dziajačka. Zorka tahačasnaj maładoj biełaruskaj litaratury. [...] Vonki nie była pryhožaja ź pieršaha pohladu. Pabyŭšy, pahamaniŭšy, stanaviłasia pryhožaj i pryvabnaj. Muž taksama śviatleŭ ad razmovy z joju. Viedaŭ u halinie mastactva mieła jana niamała, zaviazvalisia cikavyja razmovy. Jejnaja śmierć stała najvialikšaj strataj dla Biełarusi'. -Julija Bilunienie, 1961