Librería Samer Atenea
Kálamo Books
Librería Elías (Asturias)
Librería Kolima (Madrid)
Librería Proteo (Málaga)
Kuch log hamari zindagi mein hamesha ke liye nahin aate, lekin unki kahi-ankahi baatein, unke saath bitaaye kuch pal aur unse jude ehsaas hamare bheetar kahin hamesha reh jaate hain.'Kuch Ankahi Si' aisi hi maanviya samvednaon se janmi kahaniyon ka sangrah hai. Iske paatra saadhaaran hain, lekin unke bheetar chal rahi kahaniyan behad gehri hain. Kahin kisi ko uske baahari roop se parkhe jaane ki peeda hai, kahin dosti ke liye kiya gaya niswarth tyaag. Kahin muskuraate chehre ke peeche chhipa akelapan hai, to kahin aisa prem, jo paane se zyada kisi ki khushi ke liye peeche hat jaana jaanta hai. Aur kahin apnon ka bhavishya banaane mein chupchaap beet-ta hua ek poora jeevan.Ye kahaniyan prem aur rishton ko sirf unki khoobsurti mein nahin, balki unki uljhanon aur adhoorepan mein bhi dekhti hain. Ye kuch sahaj lekin mushkil sawaal chhod jaati hain. Kya tyaag hi prem hai? Kya kisi ko samajhne ke liye sirf use dekhna kaafi hai? Kya har muskuraata chehra sach mein khush hota hai? Aur kya jinke liye hum apna jeevan laga dete hain, ve hamare tyaag ko hamesha yaad rakhte hain?'Kuch Ankahi Si' un logon, rishton aur palon ki kahaniyan hain, jo waqt ke saath peeche to chhoot gaye, magar yaadon se kabhi poori tarah nahin gaye.