Librería Samer Atenea
Kálamo Books
Librería Elías (Asturias)
Librería Kolima (Madrid)
Librería Proteo (Málaga)
ምን ልብላ? የስኳር ሕመም ካለባቸው ሰዎች በብዛት ከሚነሱ ጥያቄዎች መካከል እነዚህ ሦስቱ ዋነኞቹ ናቸው። ምን ልብላ? ምን ያህል ልብላ? መቼ ልብላ?ምን ልብላ? በአማርኛ የተዘጋጀ ተግባራዊ የጤና እና የአመጋገብ መመሪያ ነው። መጽሐፉ ስለ ስኳር ሕመም መሠረታዊ እውቀት ከመስጠት ባለፈ፣ በዕለት ተዕለት የምግብ ምርጫ፣ የምግብ መጠን እና የአመጋገብ ልማድ ላይ በዋናነት ያተኩራል።የካርቦሃይድሬት፣ የፕሮቲን፣ የጤናማ ቅባት እና የፋይበር ሚናን፣ የምግብ መጠን እና የምግብ ሰዓት አስፈላጊነትን በቀላል አቀራረብ ያብራራል። እንዲሁም የምግብ ምርጫችን ከደም ስኳር መጠን ጋር ያለውን ግንኙነት ለመረዳት ይረዳል።በተለይም እንጀራ፣ ምስር፣ ሽሮ፣ ሽምብራ፣ ጎመን እና ሌሎች የኢትዮጵያ ባህላዊ ምግቦችን በማካተት፣ አንባቢዎች የሚወዷቸውን ምግቦች ሙሉ በሙሉ ሳይተዉ በተገቢው መጠን እንዴት ማመጣጠን እንደሚችሉ ያቀርባል።መጽሐፉ የምግብ መጠን መለኪያዎችን፣ የካርቦሃይድሬት መጠን ሰንጠረዦችን፣ ሥዕላዊ ማብራሪያዎችን እና የ30 ቀናት የምግብ ዕቅድ ያካትታል። እነዚህም አንባቢዎች የተማሩትን በዕለት ተዕለት ሕይወታቸው በተግባር እንዲጠቀሙ ለመርዳት ተዘጋጅተዋል።ደራሲዋ ሐና ገብረ ወልድ ከ15 ዓመት በላይ የነርሲንግ ልምድ ያላት የጤና ባለሙያ እና የነርሲንግ መምህርት ናት። ከ10 ዓመቷ ጀምሮ ከስኳር ሕመም ጋር የኖረች በመሆኗ፣ የሙያ እውቀቷን ከግል ሕይወት ልምዷ ጋር በማጣመር ይህን መጽሐፍ አዘጋጅታለች።ምን ልብላ? በስኳር ሕመም ለሚኖሩ ሰዎች፣ ለቤተሰቦቻቸው እና ስለ ጤናማ አመጋገብ የበለጠ ማወቅ ለሚፈልጉ ሁሉ የተዘጋጀ ነው።የመጽሐፉ ዋና መልዕክት፦ ምግብን በፍርሃት ሳይሆን በእውቀት መምረጥ፣ በመጠን መመገብ እና ለጤናችን የሚጠቅሙ ዘላቂ የአመጋገብ ልማዶችን ማዳበር ነው።